БИШКЕК, 24-сен. — Sputnik. Тогузунчу класстын окуучусу беш жашар баланы коркутам деп тумчуктуруп өлтүрүп алганын Ош облустук ИИББдин маалымат катчысы Жеңишбек Ашырбаев Sputnik агенттигине билдирди.
Анын айтымында, беш жашар баланын ата-энеси анын жоголгонун айтып, милицияга кайрылышкан.
"Милиция кызматкерлери баланын сөөгүн коңшуларынын огородунан табышкан. Анын колу скотч менен байланган. Андыктан аны кыйнап өлтүргөн деп айтууга болот", — дейт ал.
Бул кылмыш ишине шектүү делип кармалган 9-класстын окуучусу жасагандарын моюнга алып көрсөтмө берген.
"Шектелген окуучу короодо тамеки чегип жатканын беш жашар бала көрүп калып, ата-энесине айтам деген. Ал аны коркутуп коём деп колун байлап, оозун скотч менен чаптаган. Бирок беш жашар бала думчугуп калганда, сөөгүн окуучу өз огородуна көөмп салган", — деди Ашырбаев.
Учурда кармалган окуучу Ош шаардык милициясына алынып келди.
