БИШКЕК, 28-фев. — Sputnik. Москва шаарынан атылып өлтүрүлгөн белгилүү оппозиционер Борис Немцовдун өлүмү боюнча тергөөчүлөр бардык версияларды карап жатканын РИА Новости билдирди.
Тергөөчүлөр заказ менен өлтүрүлүшү мүмкүн деген божомолду да карап жатат. Анын туугандарына жана жакындарына бир нече россиялык жана чет элдик саясый ишмерлер көңүл айтты.
Аталган окуя Москва убактысы боюнча жума күнү кечки саат 23:40тар чамасында болгон. Ал дос кызы менен Москва шаарындагы Чоң Москворецк көпүрөсүндө сейилдеп жүргөндө, алардын жанына машина келип токтогон. Андан белгисиз бирөөлөр Немцовго карата 7-8 жолу ок чыгарган. 4 ок анын аркасына тийип, ал окуя болгон жерде каза болду.
Бардык версиялар болушу мүмкүн, анын ичинде заказ менен өлтүрүү да каралууда.
Россиянын Ички иштер министрлиги окуянын бардык чоо-жайын азарынча ачыкка чыгара элек. Ошол эле учурда, азыр күбөлөр суракка алынууда. Анын ичинде Немцов менен чогуу жүргөн дос кызы да сурак берүүдө.
Тергөө комитетинен билдиришкендей, тергөөчүлөр Немцовдун өлүмүнө тийиштүү болушу мүмкүн деген бардык божомолдорду карап жатат. ИИМдин расмий өкүлү Елена Алексеева Москва шаарында "Перехват" планы киргизилгенин билдирди. Оппозиция өкүлүнүн өлүмүн иликтөө боюнча ыкчам штаб түзүлүп, аталган окуя боюнча кылмыш иши козголду. Кылмышкерлер "адам өлтүрүү" беренесинен тышкары мыйзамсыз курал-жарак алып жүрүү беренелери боюнча да жоопко тартылат.
