БИШКЕК, 18-фев — Sputnik. Балдарын бычактап өлтүргөн деп шектелип жаткан аял убактылуу кармоочу жайга 2 айга камакка алынганын Ички иштер министрлигинин басма сөз кызматы биздин кабарчыга билдирди.
18 Бирдин айы 2015, 10:32
15-февраль күнү Ички иштер башкы башкармалыгынын кызматкерлери өз балдарын мыкаачылык менен өлтүргөн деп шектелген аялды кармашкан. Аял Республикалык психологиялык борбордо каттоодо турары аныкталып, ага карабастан Бишкек шаарындагы мектептердин биринде мугалим болуп иштеген.
Бир айдын ичинде экспертизанын жана аялдын психологиялык абалынын жыйынтыгы чыга турганын аталган мекемеден билдиришти.
Бычакталып өлтүрүлгөн балдар Ысык-Көл облусунда жерге берилди.
