14:36 07 Бештин айы 2016
Түз эфир
Ата Мекен фракциясынын желеги. Архивдик сүрөт

"Ата-мекенчилер" MegaCom боюнча депутаттык комиссия түзүүнү демилгеледи

© Sputnik / Табылды Кадырбеков
Экономика
Кыскача шилтеме алуу
"Альфа Телеком" (MegaCom) жабык акционердик коомун менчиктештирүү (17)
44 0 0

Эл өкүлү Алмамбет Шыкмаматов аталган маселени депутаттык комиссия изилдеп бир жооп айтпаса, элдин башы айланып калды деген пикирде.

БИШКЕК, 19-окт. — Sputnik. "Ата Мекен" фракциясынын депутаты Алмамбет Шыкмаматов Максим Бакиев, Кадыржан Батыровдун мүлкү жана MegaCom тууралуу маселени иликтөө үчүн парламенттик комиссия түзүү сунушун киргизди. Бул тууралуу эл өкүлү парламентте сүйлөп жатып билдирди. 

Эске сала кетсек, "Вечерний Бишкек" гезити эл өкүлдөрү Өмүрбек Текебаев, Аида Салянова жана Алмамбет Шыкмаматовдун Максим Бакиевге таандык болгон оффшордук компанияларда үлүшү бар экенин жазып чыккан. Аты аталган депутаттар Southfield Management Inc. компаниясынын миноритардык акционерлери экени белгиленген. Материалдын авторунун белгилешинче депутаттар өз үлүштөрүн оффшордук компаниянын "Альфа Телеком" ишканасына болгон укуктарын калыбына келтирип бергени үчүн алган.

"Фракция чукул жыйын өткөрүп, чечимге келдик. Улутташтырылган MegaCom, Кадыржан Батыровдун жана Максим Бакиевдин мүлкүн текшерүү боюнча парламенттик комиссия түзөлү. Андай кылбасак элдин башы айланып калды. Алар маселенин такталышын күтүп жатат", — деди Шыкмаматов. 

Спикер Чыныбай Турсунбеков фракция чечимин парламенттин аппаратына тапшырууну айтып, маселе караларын кошумчалады.

Тема:
"Альфа Телеком" (MegaCom) жабык акционердик коомун менчиктештирүү (17)

Тема боюнча

Салянова "Вечерний Бишкек" гезити менен соттошмой болду

ЭҢ МААНИЛҮҮ