БИШКЕК, 9-янв. — Sputnik. "Азия MIX" командасынын мүчөлөрү "КиВиН-2017" фестивалына катышуу үчүн учуп кеткенин топтун Instagram тармагындагы баракчасында жарыяланды.
Эртең Сочинин Кышкы театрында эл аралык фестивалдын тандоо туру өтүп, ал 23-январга чейин уланат. КВНдин расмий сайтында быйыл фестивалга Россия, Армения, Белоруссия, Улуу Британия, Грузия, Германия, Казакстан, Кыргызстан, Эстония, Тажикстан, Абхазия жана Украинадан 640 команданын катышары жазылган.
Фестивалдын жыйынтыгы менен КВНдин Эл аралык союзунун расмий лигасынын курамы аныкталат.
Эскерте кетсек, "Азия MIX" КВНдин Жогорку лигасынын мааракелик 55-оюнунун жеңүүчүсү болуп эсептелет.
