"Кыргызстан — кыска метраждуу тасмалардын өлкөсүнө" катышуу үчүн 350 арыз түштү

© AFP / MARTIN BUREAU Кинопленка. Архив
Кинопленка. Архив - Sputnik Кыргызстан
Жазылуу
Эл аралык кинофестивалга КМШ, Балтика мамлекеттери менен Грузиядан тышкары Иран, Сирия, Египет, Польша, АКШ мамлекеттери да катышуу каалоосун билдирген. Мындан улам уюштуруучулар фестивалдын географиясын кеңейтүүнү пландап жатат.

БИШКЕК, 5-ноя. — Sputnik. Быйыл бешинчи ирет өтө турган Эл аралык "Кыргызстан – кыска метраждуу тасмалардын өлкөсү" фестивалга катышуу үчүн билдирмелерди кабыл алуу аяктаганын "Айтыш-фильм" киностудиясы билдирди.

Маалыматка ылайык, кинофестивалга чет өлкөлүк 300 жана улуттук конкурска катышуу үчүн 50 тасма түшкөн. Мында Роосия, Белоруссия жана Казакстандан келе турган катышуучулар басымдуулук кылат.

"Учурда тасмалар тандоо үчүн атайы комиссияга жөнөтүлдү. Фестивалга катыша турган фильмдердин акыркы тизмеси ноябрь айынын соңунда белгилүү болот", — деп айтылат билдирүүдө.

Сынакка коюлуучу фильмдер "Мыкты тасма", "Мыкты режиссура", "Көрөрмандардын тандоосу", "Калыстардын атайын байгеси" номинациялары боюнча бааланат. 

"Быйыл фестивалга катышуу ниетин Иран, Сирия, Египет, Польша, АКШ мамлекеттери билдирип, тасмаларын жөнөткөн. Мындан улам аталган кинофестивалдын географиясын кеңейтүү маселеси каралууда", — деп билдирди уюштуруучулар.

"Манас" кинотеатрында өтө турган ири иш-чара салтка айлангандай улуу жазуучу Чыңгыз Айтматовдун туулган күнүндө 12-декабрда башталып үч күнгө созулат.

Жаңылыктар түрмөгү
0