БИШКЕК, 29-сен. – Sputnik. Кытайдын Чунцин шаарындагы ооруканалардын биринде Apple продукциялары — iPhone 7 жана iPhone 7 Plus смартфондорун сатып алган медиктер иштен бошоо алдында турат. Бул туурасында РИА Новости cqnews сайтына шилтеме кылып билдирди.
Ири Чунцин шаарындагы аялдар ооруканасынын кызматкерлерине америкалык компаниянын смартфондорун сатып алууга тыюу салынган. Басылма бул элден өзгөчөлөнө берүүчүлүк менен күрөшүү максатында жүргүзүлүп жатат деп билдирди. Маалыматта салынган тыюуга моюн сунбагандар, тагыраагы смартфон көтөрүп жүргөндөр, акчалай сыйлыктан, ал тургай ишинен ажырай тургандыгы айтылган.
Жергиликтүү South China Morning Post гезити оорукананын жетекчиси бул маалыматты тастыктагандыгын, мындай кадам жергиликтүү өндүрүшчүлөрдү колдоо иретинде жасалганын айтканын жазды. Жетекчи буга чейин iPhone 6 менен iPhone 5ти колдонууга да тыюу салынганын кошумчалаган.
