Алматыдагы атышуудан жарадар болгон эки полиция кызматкери каза болду

© Sputnik / Анатолий Устиненко / Медиабанкка өтүүАлматы полициясы. Архив
Алматы полициясы. Архив - Sputnik Кыргызстан
Жазылуу
Күч түзүмдөрүнүн жараат алган кызматкерлери оор абалда ооруканада болчу. Муну менен курман болгондордун саны сегиз кишиге жетти.

БИШКЕК, 1-авг. — Sputnik. Үстүбүздөгү жылдын 18-июлунда Алматы шаарынын көчөлөрүндө болгон атышуудан оор жарадар болгон эки полиция кызматкери ооруканада көз жумду. Бул тууралуу шаардын Ички иштер департаментине таянуу менен Новости-Казахстан агенттиги жазып чыкты. 

"Оорукананын реанимациялык бөлүмүндө ок жеген эки кызматкер каза болду. Дарыгерлер алардын өмүрүн сактап калуу үчүн аягына чейин күрөшүштү", — деп айтылат билдирүүдө.

Девушка держит плакат во время молитвы в память погибшим теракта в Ницце - Sputnik Кыргызстан
Аалам акылынан айныганда. Акыркы эки жумадагы киши өлтүрүүлөр жана терактылар
Муну менен атышуунун курмандыгы сегиз кишиге жетти.

Эскерте кетсек, 18-июль күнү куралчан киши Алматыдагы полиция бөлүмүнө кол салган. Алты адам, анын ичинде төрт полиция кызматкери, бир ИИМ ардагери жана бир чек арачы каза болуп, беш полиция кызматкери менен эки жай тургун жарадар болгон. Шаарга кооптуулуктун кызыл деңгээли киргизилип, атайын операция жүргөн. Кол салууга шектелген жаран кармалып, анын буга чейин соттолгон 26 жаштагы Руслан Кулекбаев экени аныкталган.

Казакстандын президенти Нурсултан Назарбаев аталган окуяны теракт деп атаган.

Жаңылыктар түрмөгү
0