Казакстандын ТИМ башчысы кызматкеринин осол тартиби үчүн кечирим сурады

© Пресс-служба президента КРКыргызстандын президенти Алмазбек Атамбаевдин Ташкенттеги ШКУ саммитинде сүйлөп жаткан учурундагы видеодон алынган кадр. Архив
Кыргызстандын президенти Алмазбек Атамбаевдин Ташкенттеги ШКУ саммитинде сүйлөп жаткан учурундагы видеодон алынган кадр. Архив - Sputnik Кыргызстан
Жазылуу
Ерлан Идрисов Кыргызстандын президенти сүйлөп жаткан учурдагы казак дипломатынын осол жоругуна нааразы болгондордон кечирим сурады.

БИШКЕК, 5-июл. — Sputnik. Казакстандын тышкы иштер министри Ерлан Идрисов Кыргызстандын президенти Алмазбек Атамбаевдин сүйлөп жаткан мезгилиндеги одоно тартиби үчүн кечирим сураганын Новости-Казакстан агенттиги жазып чыкты.

Казакстандын маданият министри Арыстанбек Мухамедиулы. Архив - Sputnik Кыргызстан
Казакстандын маданият министри айткандары үчүн кечирим сурады
Эскерте кетсек, буга чейин айрым маалымат каражаттарында Атамбаевдин ШКУ саммитинде сүйлөп жаткан учурунда казакстандык дипломаттын эстеп, тырмагын жеп, жанында отургандар менен сүйлөшүп жатканы тартылган видео тарап кеткен. Мындай жорук коомчулуктун нааразычылыгын жараткан.

Идрисов дипломаттар да адам экенин, демек алар да кадимки кишиге мүнөздүү нерселерден оолак эмес экенин айтып, сөзгө калган дипломаттын эч кандай жаман ою болбогонун билдирген.

"Дипломат — бул өзгөчө кесип. Бардык жерде, бөтөнчө эл аралык иш-чараларда абдан этият болуу керек. Тилекке каршы, казакстандык дипломат камераларга түшүп калган. Мен мындай көрүнүш үчүн кечирим сурайм", — деди Идрисов брифингден кийин.

Министр эки тараптуу мамилелердин деңгээлине чейин алып барган Интернет айдыңындагы талкууларды четке какты. 

Россиядагы ЛДПР партиясынын лидери Владимир Жириновский. Архив - Sputnik Кыргызстан
Кыргыз элинин кыжырын кайнаткандар — Жириновскийден казак акындарына чейин
"Мен аталган кызматкер менен жеке тааныштыгым бар. Аны өзүм Вашингтондогу жумушка бөлүштүргөм. Андыктан анын кесипкөйлүгүндө эч кандай маселе жок. Болгону ал ошол учуруда камерага түшүп калган. Бул башка дипломаттарга да күмүш сырга — көпчүлүктүн көзүндө болгондон кийин бардыгына этият болуу керек", — деди Идрисов. 

Эскерте кетсек, буга чейин Казакстандын маданият жана спорт министри Арыстанбек Мухамедиулынын улуу жазуучу Чыңгыз Айтматовдун мекендештери болгон жаш кыздар Москвада ажаткана жууп жүргөнүн көргөндө боорум ооруйт деген тейде аткан сөзү кыргыз комчулугун бир топ дүрбөлөңгө салган.

Жаңылыктар түрмөгү
0