БИШКЕК, 12-июн. — Sputnik. Үстүбүздөгү жылдын 5-июнь күнү Актөбөдөгү курал-жарак саткан эки дүкөнгө жана аскер бөлүгүнө кол салганга шектелгендер толук кармалды. Бул тууралуу РИА Новости Казакстандын Улуттук коопсуздук комитетине таянуу менен жазып чыкты.
Маалыматка ылайык, кармалгандардан курал-жарактар алынган.
Белгилей кетсек, 5-июнда Актөбөдө радикалдар курал-жарак саткан эки дүкөнгө жана аскер бөлүгүнө кол салган. Анын кесепетинен алты киши каза болуп, бир нече киши жаракат алган.
Буга чейин үч кылмышка шектүү издөөгө алынган. Алардын экөөсү кармалып, дагы бирөөсү издөөдө жүргөн.
