БИШКЕК, 10-окт. — Sputnik. Президент Алмазбек Атамбаев, бүгүн 10 октябрда "КРдин жергиликтүү кеңештеринин депутаттарын шайлоону дайындоо жөнүндө" Жарлыкка кол койгонун өлкө башчынын маалымат кызматы билдирди.
Ага ылайык, жергиликтүү кеңеш депутаттарын шайлоо жекшембиге, 2016-жылдын 11-декабрына дайындалды.
29 Аяк оона 2016, 13:14
Мындан тышкары, Шайлоо жана референдум өткөрүү боюнча борбордук комиссиясы жергиликтүү өз алдынча башкаруунун өкүлчүлүктүү органдарына шайлоону КР мыйзамдарына ылайык өткөрүү тапшырылды.
Ал эми өкмөт шайлоо өткөрүү үчүн зарыл финансылык каражаттарды бөлүүгө милдеттендирилди.
Маалыматта Жарлыктын аткарылышын көзөмөлдөө президент аппаратынын мамлекеттик жана аймактык башкаруу жана кадрдык иш бөлүмүнө жүктөлөрү айтылууда.
Жарлык расмий жарыяланган күндөн баштап күчүнө кирет.
