АКШ элчилиги УКМКга теракт коопсуздугу боюнча маалымат берген эмес

© Sputnik / Владимир Пирогов / Медиабанкка өтүүУКМК кызматкери. Архивдик сүрөт
УКМК кызматкери. Архивдик сүрөт - Sputnik Кыргызстан
Жазылуу
УКМК өнөктөштөрүн кооптуулукту жараткан жагдайлар туурасында кабары болсо дароо маалымат берүүгө чакырды.

БИШКЕК, 9-окт. — Sputnik. Кыргызстандын Улуттук коопсуздук комитети бардык тобокелдиктерди салмактап, баалап жана жарандардын коопсуздугун сактоо үчүн болгон чараларды көрөт. Бул туурасында УКМКнын маалымат кызматы билдирди.

Кечээ, 8-октябрда АКШнын Бишкекте жайгашкан элчилиги Кыргызстанда октябрь айында бийликке жана чет элдик дипломаттарга каршы террористтик чабуул боло тургандыгы тууралуу маалымат алгандыгын айткан. Алар америкалык жарандарды теракт кооптуулугунан улам сак болууга чакырган билдирүү тараткан.

"УКМК өнөктөштөрдү эгерде кооптуулукту жараткан жагдайлар туурасында кабары болуп калса, дароо маалымат берүүгө чакырат. Азыр АКШнын басылмаларга чыккан билдирүүсүнөн башка алардан эч кандай ыкчам маалымат келе элек",— деп айтылат таратылган маалыматта.

Американын дипөкүлчүлүгү америкалык жарандарга эл көп чогулган жерден алыс болуп, митингдер маалында сак болууга үндөгөн.

АКШнын элчилиги 30-августта да Кыргызстанда жүргөн жарандарын сак болууга чакырган билдирүү тараткан.

Жаңылыктар түрмөгү
0