Мамлекеттик ипотека аркылуу 21 кыргызстандык үйлүү болду

© Sputnik / Григорий Сысоев / Медиабанкка өтүүТурак жай. Архив
Турак жай. Архив - Sputnik Кыргызстан
Жазылуу
Эреже боюнча мамлекеттик кызматкерлер 3 миллион сомго чейин насыя ала алышат. Анын төлөө мөөнөтү 15 жылга чейин созулат.

БИШКЕК, 14 мая — Sputnik. "Жеткиликтүү турак жай" программасынын негизинде кыргызстандык 21 жаранга ипотекалык насыя берилди. Бул тууралуу Sputnik Кыргызстан агенттигине Мамлекеттик ипотекалык компаниясынан билдиришти. 

Столдогу акчалар жана көз айнек. Архив - Sputnik Кыргызстан
Өнүктүрүү фонду: ишкердик үчүн насыяны 5 пайыздык үстөк менен 9-10 комбанк берет
Ипотекалык насыялар төмөнкү шарттар менен берилет: максималдуу сумма— 3 миллион сом, пайыздык чен — 12-14 пайыз, төлөө мөөнөтү — 15 жылга чейин, жеткиликтүү аянты — батирлер үчүн 70 метр квадрат болсо жер үйлөр 150 метр квадратка чейин болуусу керек.

Насыяны биринчилерден болуп эмгек стажысы үч жылдан кем эмес дарыгерлер, мугалимдер жана социалдык кызматкерлер ала алышат. 

Каражат банктар тарабынан берилүүдө. Быйыл беш миллиард сом тартылуусу пландалып жатат. 

"Ипотекалык кредиттердин берилүүсү 25-марттан башталып, учурда ага 21 адам ээ болду. Кредиттин минималдык суммасы 270 миң сом болсо, эң жогоркусу жарым миллион сомду түзөт. Жалпы жонунан 17 миллион 401 миң сом берилди. Төлөө мөөнөтү 8,7 жылдан 15 жылга чейин каралган", — деп айтылат маалыматта. 

Азырынча ипотекалык насыя алуучулардын тизмесинде 185 адам турат. Программага кирүүнү каалоочулар үчүн каттоо уланууда.

Жаңылыктар түрмөгү
0