https://sputnik.kg/20230316/bishkek-meri-mamlekettik-til-boyuncha-zhiyyn-otkordu-1073625983.html
Бишкек кыргызча сүйлөсө, Кыргызстан кыргызча сүйлөйт. Мэр тил боюнча жыйын өткөрдү
Бишкек кыргызча сүйлөсө, Кыргызстан кыргызча сүйлөйт. Мэр тил боюнча жыйын өткөрдү
Sputnik Кыргызстан
Калаа башчысы көчөдө, имараттарда илинген жан кейитерлик котормолорго да токтолгон. 16.03.2023, Sputnik Кыргызстан
2023-03-16T10:23+0600
2023-03-16T10:23+0600
2023-03-16T10:24+0600
кыргызстан
бишкек
эмилбек абдыкадыров
мамлекеттик тил
котормо
көрнөк-жарнак
https://sputnik.kg/img/07e6/09/17/1068215511_245:89:1547:822_1920x0_80_0_0_2e256dbc6cdee35943c46e6a5bbd93e1.jpg
БИШКЕК, 16-мар. — Sputnik. Бишкек мэри Эмилбек Абдыкадыров мыйзам боюнча көрүнүктүү маалыматтар (көрнөк-жарнактар) адегенде мамлекеттик тилде, андан кийин расмий тилде болушу керектигин, бирок буга жетиштүү көңүл бурулбай жатканын айтты.Мэриянын маалымат кызматы Бишкек шаарындагы мамлекеттик тилдин абалы талкууланганын билдирди.Жыйында Абдыкадыров баяндама жасап, райондук администрация башчыларынын мамлекеттик тил боюнча аткарылган иштери боюнча отчет берген.Мамлекеттик тилди өнүктүрүүдөгү башкы максат көп улуттуу шаардыктарды мамлекеттик тилди билүүгө, ал тилде окуй, жаза, өз оюн айта, сүйлөй билүүсүнө жетишүү экенин белгилеген. Мындай милдет-талапты ар бир мекеме-ишканалар, шаардыктар, кызматкерлер түшүнүүгө жана аткарууга тийиш экендигин айткан.Андан сырткары, калаадагы айрым тил көйгөйлөрүнө токтолгон.Калаа башчысы көчөдө, имараттарда илинген жан кейитерлик котормолорго да токтолгон."Кээде расмий тилде же чет тилде гана жазылган учурлар көп кездешет. Айрыкча так эмес, тантык, чалагайым котормолорго жол берилген. Ошондой эле шаардагы көрнөк-жарнактардын абалына бир топ дооматтар да айтылууда", — деп кошумчалаган ал.Мамлекеттик тилди колдонууга жана өнүктүрүүгө жалпы шаардыктар, өзгөчө мекеме-ишканалардын, билим берүү, илим жана маданият уюмдарынын жетекчилери, андагы кызматкерлер өзгөчө көңүл бурууга, камкордук көрүүгө милдеттүү экендигин баса белгилеген.Иш-чарага мамлекеттик катчы Сапарбек Касмамбетов, Мамлекеттик тил жана тил саясаты боюнча улуттук комиссиянын төрагасы Каныбек Осмоналиев, Бишкек шаардык кеңешинин төрагасы Кубанычбек Конгантиев, Бишкек шаарынын мэриясынын райондук администрацияларынын, түзүмдүк бөлүмдөрүнүн жана муниципалдык ишканаларынын жетекчилери катышкан.
https://sputnik.kg/20230209/mamlekettik-tildi-onukturuu-1072737360.html
бишкек
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, бишкек, эмилбек абдыкадыров, мамлекеттик тил, котормо, көрнөк-жарнак
кыргызстан, бишкек, эмилбек абдыкадыров, мамлекеттик тил, котормо, көрнөк-жарнак
Бишкек кыргызча сүйлөсө, Кыргызстан кыргызча сүйлөйт. Мэр тил боюнча жыйын өткөрдү
10:23 16.03.2023 (Жаңыртылды: 10:24 16.03.2023) Калаа башчысы көчөдө, имараттарда илинген жан кейитерлик котормолорго да токтолгон.
БИШКЕК, 16-мар. — Sputnik. Бишкек мэри Эмилбек Абдыкадыров мыйзам боюнча көрүнүктүү маалыматтар (көрнөк-жарнактар) адегенде мамлекеттик тилде, андан кийин расмий тилде болушу керектигин, бирок буга жетиштүү көңүл бурулбай жатканын айтты.
Мэриянын маалымат кызматы Бишкек шаарындагы мамлекеттик тилдин абалы талкууланганын билдирди.
Жыйында Абдыкадыров баяндама жасап, райондук администрация башчыларынын мамлекеттик тил боюнча аткарылган иштери боюнча отчет берген.
Мамлекеттик тилди өнүктүрүүдөгү башкы максат көп улуттуу шаардыктарды мамлекеттик тилди билүүгө, ал тилде окуй, жаза, өз оюн айта, сүйлөй билүүсүнө жетишүү экенин белгилеген. Мындай милдет-талапты ар бир мекеме-ишканалар, шаардыктар, кызматкерлер түшүнүүгө жана аткарууга тийиш экендигин айткан.
Андан сырткары, калаадагы айрым тил көйгөйлөрүнө токтолгон.
"Шаардын көчөлөрүн араласаңыз көзүңүзгө дароо көрнөк-жарнактар, кулактандыруулар урунат. Мыйзамга ылайык, бардык көрүнүктүү маалыматтар адегенде мамлекеттик тилде, андан кийин расмий тилде жана зарыл учурда башка тилде жол-жоболоштурулушу керек. Бирок ушул иште биз ошол материалдардын мамлекеттик тилге тийгизе турган таасирине жана маанисине жетиштүү көңүл бурбай жатабыз", — деген Абдыкадыров.
Калаа башчысы көчөдө, имараттарда илинген жан кейитерлик котормолорго да токтолгон.
"Кээде расмий тилде же чет тилде гана жазылган учурлар көп кездешет. Айрыкча так эмес, тантык, чалагайым котормолорго жол берилген. Ошондой эле шаардагы көрнөк-жарнактардын абалына бир топ дооматтар да айтылууда", — деп кошумчалаган ал.
Мамлекеттик тилди колдонууга жана өнүктүрүүгө жалпы шаардыктар, өзгөчө мекеме-ишканалардын, билим берүү, илим жана маданият уюмдарынын жетекчилери, андагы кызматкерлер өзгөчө көңүл бурууга, камкордук көрүүгө милдеттүү экендигин баса белгилеген.
"Бишкек мамлекеттик тилде сүйлөсө, бүт Кыргызстан мамлекеттик тилде сүйлөйт!"— деген Абдыкадыров.
Иш-чарага мамлекеттик катчы Сапарбек Касмамбетов, Мамлекеттик тил жана тил саясаты боюнча улуттук комиссиянын төрагасы Каныбек Осмоналиев, Бишкек шаардык кеңешинин төрагасы Кубанычбек Конгантиев, Бишкек шаарынын мэриясынын райондук администрацияларынын, түзүмдүк бөлүмдөрүнүн жана муниципалдык ишканаларынын жетекчилери катышкан.
