БИШКЕК, 6-июл. — Sputnik. Баян Максат кызы маалымат жыйынында мурдагы күйөөсү Бакытбек Есентаевге мамилеси жана Турсенгали Алагузовго качан турмушка чыгаарын айтып бергендиги тууралуу Sputnik Казакстан агенттиги жазды.
Жеке турмушундагы жаңылыктарды продюсер өзүнүн "Баян. Обо мне и не только" деген аталыштагы китебинин бет ачарында айтып берди.
Журналисттердин мурдагы жолдошуңуз менен акыркы жолу качан сүйлөштүңүз эле деген суроосуна так кесе жооп кайтарды.
"Мен жолдошум менен мамилемди үзүп койбойм. Анткени ал менин эки баламдын атасы. Балдарым аны менен сүйлөшөт, кезигип турат. Ошондуктан мен аны менен акыркы жолу сүйлөштүм деп айта албайм. Биз чогуу жашаган 22 жыл бою бири-бирибизди жаман көрүп жашаган жокпуз да. Ошол себептүү мен аны менен кайрадан сүйлөшүүгө дараметим жетти", — деди Эсентаева.
Ал эми учурдагы сүйүктүүсү Турсенгали Алагузов менен баш кошууга анын ушул убакка чейин аялы менен расмий түрдө ажыраша албай жатканы себеп экенин айтты.
Эскерте кетсек, Баян Максат кызы бир нече ай мурун ага бычак сайган күйөөсү Бахытбек Есентаев менен ажырашып кеткен. Ал эми Есентаев тогуз жылга эркинен ажыратылган. Баян оор абалда ооруканага жеткирилип, калыбына келүү боюнча курстан өткөн.
