БИШКЕК, 8-дек. — Sputnik. Ош — Баткен — Исфана жолунда май ташыган унаа менен жеңил машина кагышып, 2 киши каза болгонун ӨКМ билдирди.
Алдын ала маалымат боюнча, 8-декабрда саат 08:30да Баткен облусунун Кадамжай районундагы Марказ айыл аймагында Ош — Баткен — Исфана унаа жолунда "Алга-Бас" чек ара постунун жанында май ташыган бош авто унаа менен Step Wagon менен унаасы кагышкан.
"Жол кырсыгынын кесепетинен эки адам каза болгон жана жабыркагандар да бар", — деп айтылат маалыматта.
Окуя болгон жерде куткаруучулар куткаруу иштерин жүргүзүшүүдө.
