БИШКЕК, 25-июн. — Sputnik. Өлкө башчысы Алмазбек Атамбаев Казакстанда жол кырсыгынан каза болгондордун үй-бүлөсүнө 100 миң сом акчалай жардам бергенин президенттин маалымат кызматы билдирди.
Эскерте кетсек, кырсык Алматы — Астана кан жолунун 385-чакырымында, башкача айтканда Алматы, Жамбыл жана Караганда облустарынын чектешкен жеринде болгон. Мында Mercedes Vito микроавтобусу менен Setra үлгүсүндөгү автобус кагышып, унаа ичиндеги беш киши каза болгон.
Маркумдардын сөөгү Кыргызстанга алып келинип, бүгүн Ошто туугандарына берилди.
