БИШКЕК, 1-янв. — Sputnik. Республика боюнча бир суткада 32 өрт кырсыгы катталып, бир киши каза болгонун ӨКМдин маалымат кызматы билдирди.
Маалыматка ылайык, Бишкек шаары боюнча төрт, Чүй облусунда алты өрт катталган. Ысык-Көлдө үч, Таласта алты, Ошто төрт, Жалал-Абад менен Баткенде экиден өрт чыккан.
Базар-Коргон районунда тиричилик электр шаймандарын колдонууда эреженин бузулушунан улам өрт чыгып, 60 жаштагы киши каза болгон.
ӨКМден билдиришкендей, өрт негизинен жеке турак жайларда чыккан. Ошондой эле, петардалардан улам үйүлүп турган чөп күйүп кеткен учурлар да катталган.
