БИШКЕК, 10-май — Sputnik. Садыр Жапаровго Бишкекте курулуп жаткан жаңы автобекеттин курулушу көрсөтүлдү. Бул тууралуу президенттин маалымат кызматы кабарлады.
Автобекет 9 блоктон турат. Комплексте айдоочулар жана кызматкерлер үчүн мейманкана, чоң күтүү залы, перрондор, административдик имарат, соода жайлары, ошондой эле шаар аралык, эл аралык автобустар жана жеңил унаалар үчүн өзүнчө унаа токтотуучу жайлар каралган.
Курулушту ушул жылдын август айына чейин бүтүрүү пландалууда. Президент курулуштун сапатына өзгөчө көңүл бурууну тапшырды.