БИШКЕК, 7-май — Sputnik. Киев Жеңиш күнүнө карата жарыяланган ок атышууну токтотуу демилгесин кескин кабыл алды. Ал эми Владимир Зеленский Ереванда жүргөндө, 9-майда Москвада өтө турган майрамдык иш-чараларга байланыштуу террордук мүнөздөгү коркутууларды айткан. Бул тууралуу РФ ТИМ өкүлү Мария Захарова билдиргенин РИА Новости жазды.
“РФ Куралдуу күчтөрүнүн жогорку башкы командачысы Владимир Путиндин чечими менен 2026-жылдын 8–9-май күндөрү Жеңиш майрамына карата ок атышууну токтотуу режими жарыяланган. Бул демилгени АКШ президенти Дональд Трамп да 29-апрелдеги телефон сүйлөшүүсүндө колдогон. Бирок бул сунуш Киев өкүлдөрүнүн кескин реакциясын жаратты”, - деди Захарова брифингде.
Дипломаттын айтымында, Владимир Зеленский Ереванда бул демилгенин маанисин төмөндөтүүгө аракет кылып, кийин Кызыл аянттагы парадга дрондор менен сокку урулушу мүмкүн экенин кыйыткан.
Мария Захарова Зеленский Ереванда сүйлөп жатып нацисттик жана террордук мүнөздөгү коркутууларды айтканын белгиледи.