Кыргызстанда ветеринардык дары-дармектердин сапаты, алардын каттоосу жана көзөмөлү акыркы жылдары өзгөчө көңүл чордонунда. Лабораториялардын техникалык абалы, дары каражаттарынын мамлекеттик реестринин иштеши жана рынокко түшүп жаткан продукциянын коопсуздугу боюнча суроолор көп. Адистердин айтымында, өлкөгө Россиядан жогорку сапаттагы ветеринардык препараттар импорттолууда, бирок аларды текшерүү, каттоо жана колдонуу тартибинде дагы деле чечүүнү талап кылган маселелер бар. Бул багыттагы жалпы абал жана жүргүзүлүп жаткан иштер тууралуу маектешебиз.
Ветеринардык кызматтын Ветеринардык дары каражаттары жана тоют кошулмалары борборунун Ветеринардык дары каражаттарын каттоо жана сертификациялоо бөлүмүнүн башчысы Адылбек Иманалы уулу кененирээк айтып берди.