БИШКЕК, 3-май — Sputnik. АКШ президенти Дональд Трамп Германиядагы америкалык аскерлердин санын беш миңден ашуун кишиге кыскарта турганын жарыялады. Бул мурда айтылган пландардан көптүк кыларын РИА Новости жазды.
"Биз (аскерлердин санын — ред.) олуттуу түрдө кыскартабыз жана беш миңден да бир топ азайтабыз", — деди Трамп Флоридада журналисттерге маалымат берип жатканда.
Шейшембиде Трамп Германия канцлери Фридрих Мерцти Иран маселеси боюнча позициясы үчүн катуу сынга алган.
CBS News берген маалыматка таянсак, 2025-жылдын декабрына карата Германияда 36 миңден ашуун америкалык аскер болгон. Ошол эле учурда Financial Times АКШ узак аралыкка сокку уруучу куралдар менен жабдылган батальонун Германияга жайгаштыруу боюнча чечимин кайра карап чыгарын жазды.
Эки жыл мурда эки өлкө 2026-жылдан тарта Германияга жогорку тактыктагы ракеталык системаларды жайгаштыруу пландарын жарыялашкан. Бул куралдар Европада буга чейинкилеринен кыйла күчтүү болмок. Сөз SM-6, Tomahawk ракеталары жана өтө тез жүргөн, ыкчам маневр жасай алчу куралдар жөнүндө болуп жатат.