БИШКЕК, 20-апр. — Sputnik. Евробиримдиктин Киевге бере турган 90 миллиард евро насыясы — карыз эмес эле бекер берилген акча. Мындай пикирин Европарламенттин депутаты Тьерри Мариани РИА Новости агенттигине билдирди.
"Насыяны кайтаруу шартын карадыңыздарбы? Ал үчүн Россия согуштук компенсация төлөшү керек. Демек, бул — көз боёмочулук, дагы тереңдесек, шайлоочуларды сыйлабастык. Муну насыя деп атабаш керек, бул — Украинага берилген 90 миллиард евролук белек. Анын 16 миллиардын француздар төлөйт", — деди Мариани.
Украинанын 2026-2027-жылдарга каралган каржылык муктаждыгын жабуу үчүн Евробиримдикке мүчө өлкөлөр 90 миллиард евролук биргелешкен насыя боюнча чечимди 2025-жылдын декабрындагы саммитте кабыл алышкан. Венгрия, Словакия жана Чехия буга катышуудан баш тартышкан.
Саммиттен кийин Венгриянын ошол кездеги премьер-министри Виктор Орбан Украина каражатты баары бир кайтарып бербестигин, Евробиримдиктин Киевге берген бул насыясын аталган чечимди кабыл алгандардын балдары менен неберелери төлөп каларын баса белгилеген.