БИШКЕК, 19-апр. — Sputnik. Чүй облусунун Кожомкул айылында "Айдоо фест — 2026" деп аталган агрардык, көңүл ачуучу фестиваль өтүп жатат.
Ага өлкөнүн булуң-бурчунан дыйкандар, фермерлер келип катышууда.
Иш-чарада жер айдоо жана кой кыркуу боюнча чеберлер жарышат. Андан сырткары, фермерлер менен механизаторлордун сынагы болот. Арашан тукумундагы койлордун көргөзмөсү жана айыл чарба продукциясынын, кол өнөрчүлөрдүн жарманкеси башталды.
Фестивалды жергиликтүү жана чет элдик артисттердин катышуусунда концерт коштоду.