БИШКЕК, 17-апр. — Sputnik. Башкы прокуратура салык кызматкерлери ишкердин компаниясына 91 миллион сом ашыкча салык чегерип коюшканын билдирди.
Салыкчылар так эмес маалыматтарды колдонуп, туура эмес эсеп жүргөндүктөн ишкердик субъектиге мыйзамсыз салык милдеттенмелери жүктөлгөн.
Башкы көзөмөл органы мыйзамсыз эсептелген салыктарды жокко чыгарып, төрт салыкчыга айып пул салган.