Бул боло турган салгылаш эле. Бреслау чеп шаарын курчоонун тажрыйбасынан көрүп-билгендей, мындай чоң гарнизондун багынып беришин күтүү жумаларга созулмак. Кан кайнаган согушта ар бир күндү сөзсүз жоготуу коштойт.
Ал учурда немецтер коргонууну бекемдеп алары турган иш болчу. Анын үстүнө курчап тургандардын катары улам суюла бермек. Нацисттердин ири күчтөрү Берлинге ("жыландын уюгуна") чегинип, коргонууну күчөтүүсү же союздаштар менен өзүнчө тынчтык келишимин түзүп, согушту башка нукка бурушу мүмкүн деген кооптонуулар бар эле. Бул "Санрайс"/"Кроссворд" операциясы болчу.
Маршал Георгий Жуков жетекчилик кылган 1-Беларусь фронту Германиянын борборун түштүктөн маршал Иван Конев жетектеген 1-Украин фронтунун бөлүктөрүнүн, ал эми түндүктөн маршал Константин Рокоссовский жетектеген 2-Беларусь фронтунун бөлүктөрүнүн колдоосу менен басып алган.
Берлин операциясында 81 миң киши курман болгон. Бул чабуулда башка кармаштарга караганда каармандык көрсөткөндөргө сыйлык арбын берилген. 1,1 миллион офицер, жоокерлер сыйланган. 600дөн ашык аскер Советтер Союзунун Баатыры болгон.
1945-жылдын 2-майында, Берлин гарнизону багынган күнү, Рейхстагдын тепкичтеринде СССРдин эл артисти Лидия Русланованын концерти өтүп, ал түн бир оокумга чейин созулган. Концерттен кийин улуу ырчы Рейхстагдын колоннасына өз кол тамгасын калтырган.
Эки тараптан тең катышкан күчтөрдүн жана техниканын саны, ошондой эле салгылашуулардын курчушу боюнча Советтик армиянын Берлинге чабуулу тарыхтагы эң зор салгылаштардын бири.