БИШКЕК, 8-апр. — Sputnik. Кыргызстандын айрым аймактарында 8-10-апрелде нөшөрлүү жаан жаап, сел жүрүшү мүмкүн. Бул тууралуу ӨКМ билдирди.
Дарыяларда суунун деңгээли дагы көтөрүлүп, төмөнкү унаа жолдорунда кар көчкү түшүү коркунучу бар:
Бишкек – Ош унаа жолу;
121-138-чакырымдар (Төө-Ашуу);
198-255-чакырымдар (Чычкан капчыгайы, Ала-Бел ашуусу);
Балыкчы — Казарман — Жалал-Абад унаа жолу;
326-349-чакырымдар (Көк-Арт ашуусу);
Каракол — Эңилчек унаа жолу;
45-90-чакырымдар (Чоң-Ашуу).
Жол кыймылы коопсуздугун камсыз кылуу максатында айдоочуларга унаалардын ортосунда кеминде 500 метр аралыкты сактоо сунушталат. ӨКМ элди сак болууга, мүмкүн болсо алыскы сапарларды кийинкиге жылдырууга чакырды.