Акыркы жылдары дүйнөдө технологиянын жана илимдин өнүгүшү менен бирге жаңы идеялардын, жаңы чечимдердин мааниси улам артып жатат. Ар бир өлкөнүн өнүгүүсүндө ойлоп табуулар, илимий жаңылыктар жана аларды өндүрүшкө киргизүү чоң роль ойнойт. Биз “Sputnikтен сүйлөйбүз” программасында Кыргызстанда ойлоп табуулар канчалык деңгээлде өнүгүп, ойлоп табуучулар кандай мүмкүнчүлүктөргө жана кыйынчылыктарга туш болуп жатканы тууралуу сөз кылдык.