БИШКЕК, 13-мар. — Sputnik. Экс-депутат Кубанычбек Конгантиев 10-майга чейин камакка алынды. Мындай чечимди Ленин райондук соту чыгарды.
46 жаштагы мурдагы депутатка 10-мартта иш козголгон. Ал аффилирленген жеке жана юридикалык жактарды пайдалануу аркылуу жер тилкелерине байланышкан мыйзамсыз схемаларды уюштурууга шектелүүдө.
Конгантиев азыркы чакырылыштагы парламентке №21 Ленин шайлоо округунан депутат болуп келген. Буга чейин ал бир нече жолу Бишкек шаардык кеңешинин депутаты болуп да шайланган.
Анын ордуна кийинки тизме боюнча Чыңгыз Айдарбеков келиши ыктымал.