Кыргызстанда педагогикалык билим берүү тармагын өнүктүрүүдө музыкалык-педагогикалык окуу жайлардын ролу өзгөчө мааниге ээ. Айрыкча жаш муунга сапаттуу билим берүү, улуттук маданиятты сактоо жана өнүктүрүү багытында педагогикалык окуу жайдын салымы чоң. Акыркы жылдары билим берүү системасында жаңы ыкмаларды киргизүү, окуу программаларын жаңылоо жана студенттер үчүн шарттарды жакшыртуу багытында бир катар иштер жүргүзүлүп жатат. Ошол эле учурда материалдык-техникалык базаны чыңдоо, кадрдык потенциалдык өнүктүрүү жана чыгармачылык адистиктерге кызыккан жаштарды көбөйтүү сыяктуу маселелер да актуалдуу болуп жатканы айтылды.
“Күн башат” программасынын алкагында Таштан Эрматов атындагы Бишкек музыкалык-педагогикалык институту тууралуу сөз болуп, окуу жайдын учурдагы ишмердүүлүгү, билим берүүдөгү жаңычылдыктар, профессордук-окутуучулук курамдын ролу жана тармактагы негизги көйгөйлөр талкууланды. Бул тууралуу институттун директору, педагогика илимдеринин доктору, профессор Уланбек Мамбетакунов жана мамлекеттик тил жана тарбия иштери боюнча директордун орун басары Тамара Дилдебек кызы өз пикирлери менен бөлүштү.