Уруктук чарбаларга мамлекеттик дотацияларды берүүнү ачык-айкын жана натыйжалуу уюштуруу максатында Автоматташтырылган маалыматтык система — "Уруктук чарбаларга мамлекеттик дотацияларды бирдиктүү берүү системасы” ишке киргизилген. Бул система дотация алуу процессин жөнөкөйлөтүп, арыздарды кабыл алуу, кароо жана эсепке алуу иштерин толугу менен цифралаштырууга багытталган.
Адистердин айтымында, система процедуралардын ачыктыгын камсыздап, коррупциялык тобокелдиктерди азайтып, уруктун кыймылын жана анын максаттуу пайдаланылышын көзөмөлдөөгө мүмкүнчүлүк берет. Ошондой эле реалдуу убакыт режиминде аналитикалык отчетторду түзүү каралган.
Бул маселе боюнча “Күн башат” программаларынын алкагында Айыл чарба министрлигинин Айыл чарба өсүмдүктөрүн жана бак чарбачылыгын экспертизалоо департаментинин директору Бакыт Мамбетов кеңири маалымат берип, системанын иштөө тартиби, артыкчылыктары жана алдыдагы пландар тууралуу айтып берди.