БИШКЕК, 11-мар. — Sputnik. Канатбек Чыныбаев өзгөчө кырдаалдар министри болуп дайындалды.
Ал 1983-жылы 4-ноябрда туулган. 2006-жылы Исхак Раззаков атындагы Кыргыз мамлекеттик техникалык университетин аяктаган. 2018-жылы Россия Федерациясынын Жарандык коргонуу академиясын бүтүргөн.
Эмгек жолу:
2006-жылдан 2022-жылга чейин Өзгөчө кырдаалдар министрлигинде ар кандай кызматтарда иштеген;
2022-жылдын 15-июлунан тарта КР Куралдуу күчтөрүнүн кадрлар тизмесинде калып, президенттик администрациянын Кырдаалдык борборунда эмгектенип баштаган;
2026-жылдын 11-мартында өзгөчө кырдаалдар министри болуп дайындалды.