Түндө Жакынкы Чыгыштан дагы 260 кыргызстандык эвакуацияландыИран америкалык учак ташыган кемеге Оман кысыгынан чабуул койдуӨлкөдө үч жашка чейинки балдарга 1 200 сомдон жөлөк пул бериле баштайт Президент Садыр Жапаров үч жашка чейинки балдар үчүн мамлекеттик жөлөк пул киргизүү жөнүндө жарлыкка кол койду. Бул тууралуу "Ынтымак ордодон" билдиришти. Маалыматка ылайык, төлөмдөр ушул жылдын 1-июлунан тартып жүргүзүлөт. Бул үй-бүлөнүн кирешесине карабастан үч жашка чейинки ар бир балага берилет. Жөлөк пулдун көлөмү ай сайын 1 200 сомду түзөт. "Мен мамлекет башчысы катары жөлөк пулдар системасына байланышкан көптөгөн арыз-даттанууларды көрүп жатам. Энелердин басымдуу бөлүгүнүн чыныгы муктаждыктары көбүнчө көңүл сыртында калууда. Ошондуктан бүгүнкү жарлыгым менен министрлер кабинетине "Бала ырысы" аттуу жаңы жөлөк пулду киргизүү иштерин иштеп чыгууну тапшырдым. Ар бир бала өзүнүн ырыскысы, бактысы жана берекеси менен төрөлөт", — деди Жапаров. Жаңы социалдык колдоо чарасы балдар арасындагы жакырчылыктын деңгээлин азайтууга жана баланын өнүгүүсүнүн эң маанилүү мезгилинде үй-бүлөлөргө кепилденген жардам көрсөтүүгө багытталган. Улуттук статистика комитетинин маалыматына ылайык, Кыргызстанда үч жашка чейинки болжол менен 445 миңдей бала бар.
Жакынкы Чыгыштан дагы 260 кыргызстандык кайтып келди. Бул тууралуу Sputnik Кыргызстан агенттигине Тышкы иштер министрлигинен билдиришти. Маалыматка ылайык, кыргыз жарандары Омандан "Аэро Номад Эйрлайнс" компаниясынын учактары менен өлкөгө учуп келишкен. Репатриациялоо Жарандык авиация мамлекеттик агенттиги жана "Кыргызстан аэропорттору" ААК тарабынан ишке ашырылган. Буга чейин Сауд Арабиясынан 210 кыргызстандык мекенине кайтып келгени маалым. ТИМдин маалыматы боюнча, бүгүнкү күндө Жакынкы Чыгышта болжол менен 20 миңдей кыргызстандык бар.
Ирандын пилотсуз учуучу аппараттары Оман кысыгында учак ташып жүрүүчү кемеге чабуул койгонун РИА Новости жазды. "Учак ташыган "Авраам Линкольн" суу аймагына көзөмөл кылуу үчүн Оман кысыгында Ирандын чегине 340 чакырымдай жакындаганда каршылаш тараптын дронунун соккусуна кабылган. Бул окуядан кийин кеме тез эле көздөн кайым болуп, ал жерден миң чакырымдай алыстап кеткен", — деп кабарлаган IRIB агенттиги. Жекшембиде иран армиясынан канаттуу төрт ракетанын жардамы менен учак алып жүргөн кемени аткылашкандыгын билдиришкен. Чабуулдан кийин судно Инд океаны тарапка жылып кеткен. Ал эми америкалыктар кемеге снаряд тийди деген маалыматты танган.
АКШ президенти Владимир Зеленскийдин Украинадагы чатакты жөнгө салуу боюнча сүйлөшүү процесстерине тоскоол болуп жатканын айтты. Бул туурасында РИА Новости билдирди. "Анын тоскоолдук жаратып жатканы ойго келбеген нерсе", — деп президенттин айтканын Politico басылмасы жазды. Ак үйдүн кожоюну Зеленскийге бул жаатта макулдашууга кол коюуга убакыт келгенин белгилеген. Трамп Киев бийлигинин башында турган бул кишинин колунда мүмкүнчүлүктөрү түгөнүп бара жатканын айтып, кепке келүүгө чакырган. Ал эми РФ лидери Владимир Путиндин макулдашууга барууга даяр экендигин кошумчалаган.