БИШКЕК, 3-мар. — Sputnik. Кыргызстан 2025-жылдын жыйынтыгы менен ЕАЭБ өлкөлөрүнүн арасында эт өндүрүүнүн көлөмү боюнча алдыга чыкты. Бул тууралуу Евразия экономикалык комиссиясынан билдиришти.
Өткөн жылдын январь-сентябрь айларында Кыргызстан 476,1 миң тонна продукция (тоок этин кошкондо) өндүрдү. Бул 2024-жылдын ушул эле мезгилине салыштырмалуу 3,6 пайызга көп.
Экинчи орунду 2,7 пайыздык өсүү менен Казакстан ээледи. Жалпысынан ЕАЭБ өлкөлөрүндө эт өндүрүү өсүп жатат.