БИШКЕК, 26-фев. — Sputnik. Бишкектин тургуну 22 миллион сомун телефон шылуундарына алдатып жиберди. Бул тууралуу Бишкек шаардык милициядан билдиришти.
Маалыматка ылайык, шектүүлөр Ч.Г. аттуу жаранга өздөрүн УКМК, ИИМ жана Улуттук банктын кызматкерлери катары тааныштырып, аны банкомат аркылуу картага 22 130 000 сом которууга көндүрүшкөн.
Бул факт боюнча Кылмыш-жаза кодексинин 209-беренеси ("Алдамчылык") менен кылмыш иши козголгон. Шектүү катары 24 жаштагы Т.Ж. жана 20 жаштагы К.Э. кармалып, шаардык милициянын убактылуу кармоочу жайына киргизилди.