БИШКЕК, 23-фев. — Sputnik. Алмасбек Абытов Жогорку Кеңештин аппарат жетекчиси болуп дайындалды. Тиешелүү тескемеге төрага Марлен Маматалиев кол койгонун парламенттин маалымат кызматы кабарлады.
Абытов буга чейин президент менен министрлер кабинетинин Жогорку Кеңештеги өкүлү болчу. 13-февраль күнү кызматтан кетүү боюнча арыз жазганы маалым. Өкүл болуп ордуна Бектур Зулпиев дайындалган.