БИШКЕК, 13-фев. — Sputnik. Россиянын Мамлекеттик Думасынын төрагасы Вячеслав Володин Марлен Маматалиевди Жогорку Кеңештин спикери болушу менен куттуктады. Бул тууралуу парламенттин маалымат кызматы билдирди.
Жолдогон телеграммада эки мамлекеттин парламенттери конструктивдүү диалогу кеңейтип, өлкөлөрдүн стратегиялык өнөктөштүгүн жана достук мамилелерин чыңдоодо негизги ролду ойнорун белгилеген.
Володин бул багытта алгылыктуу иштерди алып барууга кызыкдар экендигин кошумчалаган.
Ошону менен катар жаңы төрагага ийгиликтерди каалап, расмий сапар менен Россияга келип кетүүгө чакырды.