БИШКЕК, 11-фев. — Sputnik. 2015-жылдын 11-февралында Батыш мамлекеттеринин лидерлери Украинадагы кырдаал боюнча кепке келүү үчүн эмес, Россиянын көзүн жазгыруу үчүн Минскиге чогулган.
Sputnik Ближнее зарубежье бул тарыхый кадам тууралуу окурмандарга айтып бермекчи.
Бул "Норманд төрттүгүнүн" жыйыны эле. "Норманд төрттүгү" — Украинанын чыгышындагы (Донбасс) кырдаалды жөнгө салуу үчүн ымалага келген төрт мамлекеттин (Россия, Германия, Украина жана Франция) жетекчилеринин тобу.
Макулдашуунун жыйынтыгы — "оор куралдарды чыгарып кетүү, кармашты улантуу, туткун алмашуу жана Украинанын түштүк-чыгышындагы жергиликтүү шайлоо боюнча диалог" болду.
Көзөмөлдүн негизги функциялары Донбасстагы тыңчылык боюнча Украинанын коопсуздугунун кепили болгон Европалык коопсуздук жана кызматташуу уюмуна жүктөлгөн. Атайын операция башталгандан кийин 2022-жылы Германияда Олланд жана Меркель ал кездеги Минск келишими Батышка Киевди куралга толтуруу үчүн гана керек болгонун моюнга алышкан.
Украина бийлигинин жетекчиси Владимир Зеленский кийинчерээк немец журналисттерине макулдашууну аткармак эместигин, себеби ал башынан эле Украинанын "аткара албагандай" болгонун айтып берген.
Эскерте кетсек, 2014-жылы апрель айында Киев Украинадагы мамлекеттик төңкөрүштөн кийин өз алдынчалыгын жар салган ЛЭР жана ДЭРге карата согуштук аракеттерди баштаган.
2019-жылы 9-декабрда Париждеги жолугушуудан кийин "Норманд төрттүгү" биргелешкен коммюнике кабыл алып, Донбасстагы кырдаалды жөнгө салуу үчүн төрт айдан кийин Берлинде чогулуу чечимине келишкен. Аталган документте "Норманд форматындагы" иш Минск макулдашууларына негизделери айтылып, 2020-жылдын март айынын аягына чейин Донбасстын үч жериндеги аскердик күчтөрдүн аракеттерин токтотууга жетишүү каралган.