Эмгек, социалдык камсыздоо жана миграция министрлиги 2026-жылга карата калкты иш менен камсыз кылуу боюнча иштерди активдештирүүдө. Министрлик акы төлөнүүчү коомдук иштер, “Жумуш үчүн азык-түлүк” долбоору жана социалдык контракт сыяктуу программаларды айкалыштыруу менен жарандарга туруктуу киреше булагын түзүүгө көмөктөшөт. Пайызсыз кредиттер жана жаштар стажировкасы аркылуу жаштарды эмгек рыногуна тартуу да негизги багыттардын бири болуп эсептелет. Статистикалык маалыматка ылайык, өткөн жылы жумушсуздуктун деңгээли 3,7 пайызды түзгөн. Анткени жумушсуздардын 17 400дөн ашыгы туруктуу иш менен камсыз болду. Өлкөдө жумушсуз жарандарды иш менен камсыздоодогу аракеттер жана аймактардагы абал тууралуу Эмгек,социалдык камсыздоо жана миграция министрлигинин иш менен камсыз кылууга көмөктөшүү башкармалыгынын башкы адиси Гүлзада Акунова менен Сокулук райондук эмгек, социалдык камсыздоо жана миграция башкармалыгынын иш менен камсыздоого көмөктөшүү жана миграция бөлүмүнүн башчысы Мээрим Молдокулова кеп кылышты.