БИШКЕК, 8-фев. — Sputnik. Кыргызгидромет 9-16-февраль аралыгындагы аба ырайынын божомолун таратты.
Ага ылайык, алдыдагы аптада өлкө аймагында кар, жаан жаайт. Жолдор тоңголок, тайгак болот.
Батыштан соккон шамалдын ылдамдыгы секундасына 4–9 метрге, айрым жерлерде 15-20 метрге жетиши мүмкүн.
Бишкек шаары
Борбор калаада 9-10-февраль күндөрү жаан-чачын болбойт. 11-февралда түнкүсүн асманды ала булут каптап, күндүз мезгил-мезгили менен жаан жаайт. 12-15-февралда да жаан-чачын болору божомолдонгон.
Чүй жана Талас облустары
Аталган облустарда 9-февралда жаан-чачын күтүлбөйт. 10-февралдын түнү тоолуу райондордо кар жаайт, ал эми дыйканчылык аймактарда жаан болбойт. 11-февралдан баштап жуманын аягына чейин кар, жаан жаашы мүмкүн.
Ош, Жалал-Абад жана Баткен облустары
Өлкөнүн түштүгүндө жуманын алгачкы күнүндө жаан-чачын болбогону менен түнкүсүн коюу туман түшөт. 10-февралдан баштап күндүн көзү бузулуп, аптанын аягына чейин кар, жаан жаашы божомолдонгон.
Ысык-Көл жана Нарын облустары
Ысык-Көл менен Нарында 10-11-февралда жаан чачын болбойт. 11-февраль түнү да жаан болбойт, күндүз айрым жерлерде жаан, тоолуу райондордо кар жаайт. Мындай аба ырайы аптанын соңуна чейин уланат.