БИШКЕК, 7-фев. — Sputnik. Министрлер кабинетинин төрагасы Адылбек Касымалиев бүгүн, 7-февралда, кытайлык "Миньшан" компаниясынын өкүлдөрүн кабыл алды. Бул тууралуу өкмөттүн маалымат кызматы кабарлады.
Кытайлык компания Кыргызстанга индустриялык парк курууну көздөп жатканын айтып, инвестициялык долбоорун тааныштырган. Анда электр приборлору, анын ичинде тиричилик техникасы чыгарылары айтылды.
Адылбек Касымалиев кыргыз тарап долбоорго кызыкдар экенин жана компанияга көмөк көрсөтүүгө даярдыгын билдирди.