Министрлер кабинетинин төрагасынын биринчи орун басары Данияр Амангелдиев Москва шаарында өткөн Евразия экономикалык комиссиясынын кеңешинин кезектеги жыйынына катышты. Жыйындын жүрүшүндө бажы-тарифтик жөнгө салуу, өнөр жай кооперациясы, фитосанитардык коопсуздук жана биргелешкен долбоорлорду каржылоо маселелери каралды.Негизги чечимдердин бири катары Кыргызстанга чийки камыш кантын импорттоого тарифтик жеңилдик берилди. 2026-жылдын аягына чейин 20 миң тонна кант бажы алымдарынан бошотулуп, бул ички рыноктогу бааларды турукташтырууга жана кайра иштетүүчү ишканаларды колдоого багытталган.Ошондой эле Кыргызстандын демилгеси менен турбовинттүү жарандык жүргүнчү учактарына карата бажы жеңилдиктеринин мөөнөтү 2028-жылдын 31-декабрына чейин узартылды. Бул авиация тармагын өнүктүрүүгө жана аймактык авиакаттамдарды кеңейтүүгө шарт түзөт.Агрардык секторду колдоо максатында ЕАЭБдин бюджетинен айыл чарба тармагындагы биргелешкен долбоорлорду каржылоо механизми бекитилди. Бул импортту алмаштырууга жана экспорттук мүмкүнчүлүктөрдү жогорулатууга багытталган.Ошондой эле тамак-аш өнөр жайы үчүн какао пастасы жана какао майын импорттоого 2027-жылдын апрелине чейин тарифтик жеңилдиктер берилди. Бул чара кондитердик продукциянын өздүк наркын төмөндөтүп, керектөө бааларынын өсүшүн токтотууга жардам берет.
Саламаттыкты сактоо министри Каныбек Досмамбетов "Кыргыз фармация" ишканасынын башчылыгына эмнеге кесиби боюнча медик эмес адам келгенин түшүндүрдү.Болот Жунусов билими боюнча дипломат, экономист. Дипломатиялык кызматтарда жана Мамлекеттик каттоо кызматында иштеген. Министр Каныбек Досмамбетов "Кыргыз фармацияда" коррупциялык схемалар болгонун, анын мурдагы жетекчилери айрым фармкомпаниялардын кызыкчылыктарын көздөгөнүн айтты. Ошондой эле кызматка эмнеге фармацевт келген жок деген суроолорго жооп берди. Досмамбетов жаңы жетекчи фармацевтикалык компаниялар менен ымала түзүп, табакташ болуп кетпей, дары-дармекти ачык-айкын сатып алган система түзөт деп үмүттөнүп жатканын кошумчалады.
Россиянын коопсуздугунун бекем болушу — Украинанын коопсуздугунун мыкты кепилдиги, бирок бул тууралуу Батышта эч ким айтпайт. Мындай пикирин РИА Новости агенттигине Россия тышкы иштер министринин орун басары Александр Грушко айтты. "Баары эле Украинага коопсуздук кепилдигин бериш керек дешет. Бирок соңку айларда, балким жылдарда тынчтыкты орнотуунун, анын формуласынын бир бөлүгү — Россиянын коопсуздугунун кепилдиги экенин кимдир бирөө жок дегенде бир жолу айтканын уккан жокмун. Россиянын коопсуздугунун бекем болушу —Украинанын коопсуздугунун мыкты кепилдиги экенин баары эле түшүнүп турат да", — деген ал. Россия ТИМи Украианага НАТОго кирген өлкөлөрдүн аскерлерин жайгаштыруусуна жол берилбестигин, эгерде ошондой көрүнүш болсо жаңжал күчөй турганын эскертип келет. РФтин президенти Владимир Путин Россиянын чек араларынын жанына жайгашкан чет элдик аскерлерди Москва мыйзамдуу бута катары эсептей турганын билдирген. Анын айтымында, тынчтык келишим түзүлгөндөн кийин коңшу өлкөдө чет элдик аскерлердин болушуна зарылдык жок.