Баткен облусунун башчысы Айбек Шаменов район, шаар башчыларынын катышуусунда өткөн жыйын облусту өнүктүрүү жолундагы иш пландарды биргелешип ишке ашыруу максатын көздөдү. Бул тууралуу өкүлчүлүктөн билдиришти. Маалыматка ылайык, облус жетекчиси аймактагы көйгөйлөрдү чечүү, элдин социалдык муктаждыктарын жеңилдетүү багытында бир катар тапшырмаларды койду. Алсак: электр энергиясын туура, максаттуу пайдалануу, элди көмүр менен камсыздоо иштерин анализдөө, жерлерди инвентаризациялоо, жер мунапысын аяктоо, чоң базарларды иретке келтирүү, Кызыл-Кыя жана Баткен шаарындагы базарлардын курулушу жана Баткен автобекети боюнча маселени чечүү, жол кырсыгынын алдын алуу боюнча натыйжалуу иш алып баруу, мамлекеттик органдардын кадрлар резервин түзүү боюнча сынактарга активдүү катышуу. Ошондой эле жыйында Баткен облусун өнүктүрүүгө багытталган 500 млн сомду максаттуу пайдалануу, социалдык контракт долбоорун ишке ашырууда мыйзам чегинде иш алып баруу, окуучулардын билим сапатын жогорулатуу, предметтик олимпиадаларынын жакшы натыйжасы үчүн шарттарды түзүү маселелери да каралып, тийиштүү тапшырмалар берилди.
Мөөнөтсүз айдоочулук күбөлүктөр акысыз алмаштырылат. Бул тууралуу президенттин иш башкаруучусу Каныбек Туманбаев билдирди.Анын айтымында, жарандар күбөлүктөрүн 15-январдан 15-февралга чейин акысыз алмаштыра алат.Эскерте кетсек, айдоочулук күбөлүктү "Түндүк" мобилдик тиркемеси аркылуу онлайн алмаштыруу кызматы өткөн жылдын 17-ноябрынан тарта жеткиликтүү болгон.
Эгемендүүлүк күнүндө “Бишкек Арена” стадионунан Дүйнөлүк көчмөндөр оюндарын көрө алабыз. Бул тууралуу Орок айылында курулуп жаткан эл аралык класстагы “Бишкек Арена” стадионунун башкы инженери Назирбек Сарбаев билдирди. Анын айтымында, учурда курулуш иштеринин негизгилери аяктады. "Курулуш орто эсеп менен алганда 60%га бүттү. Март айында орундуктар орнотулат. Башында 45 миң орунга деп эсептелинген. FIFA уюмунун талабы менен 51 миң орунга көбөйттүк. Сырткы көрүнүшү боз үйдүн формасында болгон бул объектинин бийиктиги 70 метр, курулуштун жалпы аянты 170 миң чарчы метр, ал эми стадиондун өзүнүн 70 миң чарчы метрди түзөт. Курулуш иштери планга ылайык жүргүзүлүүдө. 31-августта ушул жерде Дүйнөлүк көчмөндөр оюндарын көрө алабыз”, - деп кошумчалады ал.
Республикачы Рэнди Файн Гренландияны АКШга кошуу боюнча мыйзам долбоорун Конгресске киргизди. Бул тууралуу РИА Новости жазды. Вашингтон бул аймакка Арктикадагы кызыкчылыктарын камсыздоо үчүн кызыгып жатат. Ошондой эле АКШ Гренландияга Россия менен Кытайдын таасири күчтөнүп жатат деп эсептөөдө."Гренландияны көзөмөлдөгөн тарап Арктика деңиз жолдорун жана АКШны коргогон коопсуздук архитектурасын кошо колго алат. Америка аймакты анын баалуулуктарын жек көргөн жана коопсуздугуна шек келтирүүнү каалаган режимдердин колуна берип коё албайт", — деп айтылат Файндын билдирүүсүндө. Тиешелүү мыйзам кабыл алынган учурда Дональд Трампка аралды аннексиялоого же сатып алууга зарыл болгон кад