Кийинки узак эс алуу эми май айында болотТрамп болуп көрбөгөндөй чабуул жасаарын айтып, Иранды коркутканга аракет кылдыЖапаров экс-депутаттын МИК батирлерин арзандатуу сунушуна кескин жооп бердиАлдыда кененирээкЖогорку Кеңештин мурдагы депутаты Султанбай Айжигитовдун Мамлекеттик ипотека компаниясынын батирлери боюнча сунушуна президент Садыр Жапаровдун берген жообун маалымат кызматынын жетекчиси Дайырбек Орунбеков жарыялады. Экс-депутат ипотекалык үйлөрдүн курулушу боюнча жазып, анда батирлердин бир чарчы метрин элге 300 доллардан сатууга болорун айткан. "Бул сунушту маалымат иретинде президентибизге жолдогом. Садыр Нургожоевич окуп чыгып, "демагог-популисттердин сунушу экен" деп жооп берди", — деди Орунбеков.
Кыргызстанда кийинки узак эс алуу май айында болот. Министрлер кабинетинин токтомуна ылайык, 1-майдан тартып 9-майга чейин эс алуу күндөрү болуп жарыяланган. Эскерте кетсек, 1-май — Эмгек күнү, 5-май — Конституция күнү, 9-май — Жеңиш күнү белгиленет. 10-май жекшембиге туура келгендиктен кыргызстандыктар 11-май күнү ишке чыгат.
Жайыл районунун Полтавка айылында өз энесин жаздык менен тумчуктуруп өлтүрүүгө аракет кылды деп шектелген кишини тартип сакчылары кармады. Бул туурасында Чүй облустук милициясынан кабарлашты. Органга жабырлануучунун кызы, шектүүнүн карындашы арыз жазган. Ал аял милициядан апасын ур-токмокко алган агасына чара көрүүнү суранган. 45 жаштагы бир тууганы 76 жаштагы энесин уктап жатканда жаздык менен тумчуктуруп, ур-токмокко алганын айткан. "Тергөөнүн жүрүшүндө Ж.С. аттуу шектүүнүн жубайы А.Г. менен WhatsApp аркылуу жазышуулары текшерилип, анда энесин өлтүрүү ниети тууралуу билдирүүлөр бар экени аныкталган", — дешти милициядан. Шектүү эки айга камакка алынды. Бардык зарыл болгон соттук-укуктук экспертизалар дайындалып, тергөө иштери улантылууда.
18-24-январь күндөрү Бишкек шаарындагы “Бишкек Арена” көп функционалдуу аренасында хоккей боюнча (U-20) жаштар арасындагы дүйнө чемпионаты (III дивизиондун B тайпасы боюнча) өтөт. Дене тарбия жана спорт мамлекеттик агенттигинен билдиришкендей, мелдешке Кыргызстан, Мексика, Люксембург, Түштүк Африка, Иран жана Гонконг (Кытай) жаштар курама командалары катышат. Турнир Дене тарбия жана спорт мамлекеттик агенттигинин, Эл аралык хоккей федерациясынын (IIHF) жана өнөктөштөрдүн колдоосу менен, Кыргызстандын хоккей федерациясы тарабынан уюштурулууда.
Эгерде Тегеран АКШнын аскердик жана коммерциялык объектилерине чабуул кое турган болсо, Вашингтон Иранга мурда болуп көрбөгөндөй сокку урат. Бул туурасында Кошмо Штаттардын лидери Дональд Трамп айтканын РИА Новости жазды. "Ошентсе турган болушса, аларга өмүрү угуп-билбегендей сокку урабыз. Менде кубаттуу аракеттердин варианттары бар", — деген ал журналисттердин Тегеран АКШнын аскердик жана коммерциялык объектилерине чабуул коюшу мүмкүндүгү боюнча узатылган суроолоруна жооп берип жатып. Ал эми Тегеран белгиленген чектен өтүп бара жаткан жокпу деген соболго "кыязы, ошондой болуп баратат" деген. Мындан сырткары, жооп кылуунун, анын ичинде аскердик жолдорун да карап жатышканын кошумчалаган. Ак үйдүн башчысы геосаясий дагы башка темага, Гренландия маселесине кайрылып, АКШ "кандай болсо да аны ала тургандыгын", антпесе аралды Россия же Кытай каратып алат деген пикирин айткан.