Кыргызстандын банк секторунда жаңы оюнчу — «Почта Банк» пайда болушу күтүлүүдө. Учурда регулятор коммерциялык банкты каттоо боюнча документтерди кароону баштады Долбоордун негизги өзгөчөлүгү — «Кыргыз Почтасынын» бөлүмдөрү агенттик тармак катары колдонулат. Бул банктык кызматтардын өлкөнүн бардык аймактарында жөө жеткиликтүү болушуна шарт түзөт Банк Кыргыз Республикасынын мыйзамдарынын алкагында иш алып барат жана Улуттук банктын катуу көзөмөлүндө болот
2025-жылы туристтик тармактын Кыргызстандын ички дүң продукциясына кошкон салымы 4,3 пайыз болду. Бул тууралуу бизге Туризмди колдоо жана өнүктүрүү фондунун директору Адилет Джанузаков билдирди. Анын айтымында, бул көрсөткүч 2024-жылдын ушул эле мезгилине салыштырмалуу өскөн. Адилет Джанузаков туризмди өнүктүрүүнү биринчи кезекте экономикалык жактан кароо зарылдыгын белгиледи. Мамлекет жаратылыш жана ландшафттык ресурстарды сарамжалдуу пайдалануу боюнча чараларды көрүп, ошол эле учурда аларды сактоого жана туристтик жагымдуулукту жогорулатууга көңүл бурууда. Фонддун жетекчиси белгилегендей, Кыргызстанга келген туристтердин агымы көбөйдү. Жалпысынан 10 миллионго жакын адам республикага келип кеткен.
Ош шаарында заманбап күнөскана курулуп жатат. Бул тууралуу түштүк борбордун мэриясынын басма сөз кызматы билдирди. Маалыматка ылайык, объектти курууга керектелген материалдар Түштүк Кореядан алынып келинген. Күнөскананы 15-февралда пайдаланууга берүү пландалууда. Курулуп жаткан күнөскана муниципалдык «Ош көрктөндүрүү жана жашылдандыруу комбинатына» таандык болот. Анда сугаруу, жылытуу жана желдетүү системалары толугу менен автоматташтырылып, иш процесси кыйла жеңилдетилет. Мындан тышкары, күнөсканада иштеген кызматкерлер үчүн жатакана, ашкана жана башка зарыл инфраструктура каралган.
Кыргызстандын велоспорт боюнча ардагер спортчусу Евгений Ваккер Азия чемпионатына катышат Легендарлуу кыргызстандык велоспортчу Евгений Ваккер 7–8-февралда Сауд Арабиясында өтө турган Азия чемпионатына катышат. Бул тууралуу аталган спорт түрү боюнча федерация маалымдады. Маалыматка ылайык, федерация мастерлер категориясындагы төрт спортчунун бардык чыгымдарын толугу менен өз мойнуна алган. Евгений Ваккер ардагерлер категориясында мелдешке чыгып, бул категория паравелоспорт менен катар жалпы медалдык эсепке кирет. Ошондой эле федерация өкүлдөрү быйыл Евгений Ваккер тандоо турун ийгиликтүү өтсө, мастерлер арасында дүйнө чемпионатына да катышуусу мүмкүн экенин кошумчалашты .
Евробиримдик АКШ Гренландияга койгон дооматтарынан баш тартпаса, америкалык компанияларга каршы санкцияларды киргизет. Бул тууралуу Telegraph гезити билдирди. Санкция салынса, ЕБнын аймагындагы АКШнын Meta, Google, Microsoft жана X компанияларынын иши бөгөттөлүшү мүмкүн. Мындан тышкары, америкалык банктар менен каржы фирмалардын дагы иши аксайт. Биримдик АКШ аскерлерин Европадагы базасынан чыгарууну акыркы чара катары көрүүдө.