БИШКЕК, 10-янв. — Sputnik. Кыргыз футболчуларынын декабрдын аягына карата жалпы трансфердик суммасы 7 миллион 630 миң еврону түздү. Бул тууралуу германиялык Transfermarkt интернет-басылмасы жазды.
Эске салсак, бир жыл мурда 7,5 миллион евро болчу.
Командадагы эң кымбат оюнчулар:
чабуулчу Жоэл Кожо — 600 миң евро;
жарым коргоочу Эрбол Атабаев — 500 миң евро.
Дарбазачы Эржан Токотаев, борбордук коргоочу Тамирлан Козубаев жана вингер Гүлжигит Алыкуловдун кызматы 450 миң еврого (ар бири) бааланган.
Жалпысынан портал кыргызстандык 26 футболчунун "баасын" чыгарган.