Өткөн жылдын январь-октябрь айларында Кыргызстанда калктын саны 103,4 миң адамга көбөйүп, 7 миллион 385 миңге жетти. Бул тууралуу Статистика боюнча улуттук комитеттин ай сайын жарыялаган отчетунда айтылган. Он айдын жыйынтыгында 117,3 миң ымыркай төрөлүп, 27 миң адам каза болгон. Аймактар арасында калктын эң чоң абсолюттук өсүшү Бишкек шаарында катталып, калк 31,7 миң адамга көбөйгөн. Экинчи орунда Ош облусу туруп, 17,3 миң адамга арбыган. Андан кийинки орундарда Жалал-Абад жана Ысык-Көл турат.**Милиция менен жергиликтүү бийликке түнкүсүн тынчтыкты бузгандарга чара көрүү укугун берүү сунушу Жогорку Кеңештин сайтына жарыяланды. Мыйзам долбоорун министрлер кабинети сунуштап, анда учурда ыйгарым укуктуу орган болгон Санэпидкөзөмөл департаментинде кадр жетишсиз экени жана кызматкерлер түнкүсүн иштебей турганы белгиленген. Буга байланыштуу жергиликтүү бийлик органдарына жана ИИМ кызматкерлерине укук бузуу боюнча протокол түзүү укугун берүү сунушталууда.
Чүй облусунун Виноградное айылында убактылуу мал базар иштей баштайт. Бул тууралуу президенттин дубандагы өкүлчүлүгүнөн билдиришти. Ыйгарым укуктуу өкүл Азамат Осмонов курулуп жаткан айыл чарба базарын кыдырып, фермерлер менен жолуккан. Алар соода-сатыкты уюштуруу, санитардык шарттар жана ветеринардык көзөмөл маселелерин талкууга алышкан. Белгилей кетсек, Токмоктогу чоң жолдун боюндагы жеке мал базар санитардык жана ветеринардык талаптарга туура келбегендиктен жабылган. Жаңы жай Виноградное айылында сынамык түрдө ачылат. Үч ай бою базардын ишин көзөмөлгө алып, байкоо жүргүзүшөт. Андан кийин жыйынтыгына карап, соода жай туруктуу иштейби же жокпу карап көрүшөт.**Кыргызстан өсүмдүк майы боюнча импортту кыскартты 2025-жылы республика боюнча май өсүмдүктөрүн кайра иштетүүчү беш жаңы ишкана ачылган. Өткөн жылдын 11 айында 18,5 миң тоннага жакын май өндүрүлүп, өз өндүрүшүнүн эсебинен камсыздоо 56,5%га жеткен. Салыштыруу үчүн айтсак, көрсөткүч 2022-жылы 20,2%ды түзчү.
"Кызмат" мамлекеттик мекемесинин директорунун орун басары Нурлан Айдиев мекеме улуттук маалыматтык системаны ишке киргизип жатканын айтты. "Кызмат" мамлекеттик мекемеси "Коопсуз шаар" долбоорун ишке ашырып, аны жасалма интеллектинин негизинде иштеп чыкты. Адистин айтымында, "Коопсуз шаар" долбоорун 2026-жылдын 15-январынан тарта толук ишке берүү пландалып жатат. Ошондой эле ал быйыл Калкты тейлөө борборлору тарабынан 3,6 миллион кызмат көрсөтүлгөнүн кошумчалады.
ИИМ баллон менен муз тебүүнүн кооптуулугун эскертти Билдирүүдө баллон чанага караганда кыйла ылдам жүрөгөндүктөн аны башкаруу татаал экендиги айтылат. Катуу келе жатканда адам токтоно албай түрдүү тоскоолдуктарга — бак-дарак, таш, башка эс алуучуларга урунушу мүмкүн. Же болбосо, кулап жолдон чыгып кетиши да ыктымал. Министрлик атайын жабдылган баллонду коопсуз жайларда, эрежелерди так сактоо менен колдонуу керектигин белгиледи: ⚫️эгерде баллон бир адамга ылайыкталган болсо, ага бир г