БИШКЕК, 30-дек. — Sputnik. Абактагы 69 жаштагы аял акыйкатчыдан эркиндикке чыгууга жардам берүүнү суранганын Омбудсмен институтунан кабарлашты.
Жамиля Жаманбаева бүгүн Кыргызстандагы аялдардын жалгыз түрмөсүнө барган. Жардам сураган аял рактын 3-стадиясында экени аныкталган.
Мекеменин медпунктунда дарыланып жаткан жети аял дары-дармектин тартыш экенин айтышкан.
Ал эми абактагы балдар үйүндө беш эне ымыркайлары менен жашап жатат. Бөбөктөрдүн эң кенжеси эки жумалык. Энелер керектүү нерсенин баары бар экенин билдиришкен.