Бул аптада кыргызстандыктарды кыска иш жумасы күтөтПутиндин резиденциясына болгон Киев режиминин чабуулуна расмий Россия жооп бердиҮч баланын энесинин өлүмү боюнча эки милиционер кармалды. Алдыда кененирээкҮч баланын энеси Жибек Урустемованын өлүмү боюнча жаңы жагдайлар аныкталып, эки милиция кызматкери кармалды. Бул тууралуу УКМК билдирди. Маалыматка караганда, тергөө учурунда аялдын өмүрүнө жана саламаттыгына коркунуч жаралганы үчүн коргоо ордери берилгени аныкталган. "Урустемованын көп жолку кайрылууларына карабастан, анын жана балдарынын коопсуздугу камсыздалган эмес. Мындан улам аймактык тескөөчү Ж.Н. кызматтык милдеттерин одоно бузду деген кине менен кармалды. Ал ошондой эле киши өлтүргүчтүн жашаган жери боюнча текшерүүлөр жүргүзүлгөнү тууралуу актыларды эски даталар менен жасалмалоого шектелүүдө", — деп айтылат маалыматта.Мындан тышкары, шаардык милициянын коомдук коопсуздук кызматынын улук инспектору А.К. айыпталуучуга травматикалык тапанча сактоого жана алып жүрүүгө мыйзамсыз уруксат берип, аны узартып турганы аныкталган. "Тапанчаны алып жүрүү мөөнөтү бүткөнүнө карабастан улук инспектор А.К. айыпталуучудан аны алып коюу боюнча эч кандай чара көргөн эмес", — деди атайын кызмат. Экөө тең тергөө абагына камалды. Ишти УКМК тергеп жатат.
Алдыдагы аптада кыргызстандыктарды кыскартылган жумуш жумасы күтөт: жаңы жылдык каникулдар расмий түрдө 2026-жылдын 12-январына чейин узартылды. Буга чейин министрлер кабинети мамлекеттик жана муниципалдык мекемелердин, ошондой эле мамлекеттик бюджеттен каржыланган уюмдардын кызматкерлери үчүн 8 жана 9-январь күндөрүн кошумча эс алуу күндөрү катары берүү боюнча токтом кабыл алган. Бул чечим мектеп окуучуларынын кышкы каникул учурунда үй-бүлөлүк эс алууга шарт түзүүгө жана үй-бүлө институтун бекемдөөгө багытталган. Мындан тышкары, жеке компаниялардын жетекчилерине кызматкерлердин жумуш жана үй-бүлөлүк жашоосунун ортосундагы ыңгайлуу балансты камсыз кылуу үчүн, мүмкүнчүлүккө жараша ушундай эле эс алуу режимин колдонуу сунушталды. Токтом 2026-жылдын 1-январынан тарта күчүнө кирет.
Жаңы жыл майрамына байланыштуу кыргыз-кытай мамлекеттик чек арасындагы "Торугарт" жана "Эркечтам" өткөрүү пункттары 2026-жылдын 1-январында убактылуу жабылат. Бул тууралуу УКМКнын Чек ара кызматынан билдиришти. Маалыматка ылайык, адамдарды, транспорт каражаттарын жана жүктөрдү өткөрүү "Эркечтам" көзөмөл өткөрүү пунктунда 2026-жылдын 1-январында саат 22:00дөн тартып, ал эми "Торугарт" өткөрүү пунктунда 2026-жылдын 2-январында саат 08:00дөн тартып кайрадан жандандырылат. Чек ара кызматы жарандардан жана тышкы экономикалык ишмердүүлүктүн катышуучуларынан мамлекеттик чек арадан өтүүнү пландаштырууда бул маалыматты эске алууну суранат.
Украинанын РФ президенти Владимир Путиндин резиденциясына жасаган чабуулуна бериле турган жооп дипломатиялык болбойт. Киев режими кылмыштары үчүн жооп берет. Бул тууралуу РФ ТИМинин расмий өкүлү Мария Захарова "Соловьев LIVE" эфиринде билдирди. Ал Украинанын чабуулу Трамп үчүн "шапалак" болгонун белгиледи. "Зеленский дүйнөлүк лидерлерге ушундай мамиле кылууга көнүп калган", — деди Захарова. Ошондой эле Захарова Украина күчтөрүнүн Путиндин резиденциясына сокку уруу аракети үчүн Зеленскийдин жоопкерчиликтен качууга багытталган билдирүүлөрүнө комментарий берди.