Жапаров өндүрүштүн ачылышында жаңылануучу энергия булактарын өнүктүрүүнүн стратегиялык маанисине токтолду.
"Күн электр станциясынын ачылышы — өлкөбүздүн энергетикалык көз карандысыздыгын бекемдөөдөгү маанилүү этаптын башталышы. Жаңылануучу энергия булактарын өнүктүрбөй калкты жана экономика субъектилерин электр кубаты менен туруктуу камсыздоо мүмкүн эмес экенин түшүндүк", — деди Жапаров.
Ал министрлер кабинети менен инвесторлордун ортосунда жалпы кубаттуулугу 5 гигаваттка жеткен күн жана шамал электр станцияларын куруу боюнча 12 макулдашууга кол коюлганын белгиледи.